Orðlist.is er hugverka- og útgáfuvefur Steinunnar Ásmundsdóttur rithöfundar, ljóðskálds og blaðamanns..
O R Ð L I S T
ORÐLIST er vefur Steinunnar Ásmundsdóttur, rithöfundar, ljóðskálds og blaðamanns.
Velkomin á Orðlist.is!
Ég stofnaði til vefsins árið 2016 (þá undir nafninu Yrkir) og nýti hann til að halda utan um og birta talsvert af höfundarverki mínu. Það innifelur einkum ljóð og sögur; ýmist þegar útgefið eða áður óbirt efni, þýðingar, ýmsar greinar og umfjallanir, hugleiðingar, minningargreinar og jafnvel drauma …
… Ljóðin eru hér í hundraðavís, flokkuð eftir prentuðum bókum og efnistökum, birt eru óprentuð ljóð, þýðingar þeirra og þýðingar mínar á ljóðum annarra, auk nýskapaðra og alveg hrárra ljóða sem ég hef gaman af að hengja út á þvottasnúru alheimsins og láta aðeins taka sig áður en þau fara í frekara snikk. Sögur eru skáldsögur og sannsögur (creative nonfiction), smásögur og frásögur, ýmist prentaðar eða óprentaðar, sem hljóðbækur (audio) eða rafbækur (e-book). Í Safnrit setti ég ljóð mín sem birst hafa í safnritum ýmsum. Undir Media er umfjöllun fjölmiðla um bækur mínar og auk þess eru þar hugleiðingar ýmsar og skrif mín í fjölmiðla, tímarit og bækur gegnum tíðina, bæði úr blaðamennskutíð og persónulega. Info er alls konar upplýsingar: um höfundinn, umfjallanir fólks og fjölmiðla um verk mín, hvað er á döfinni hjá mér og hitt og þetta annað. O.fl.
Nú hef ég verið búsett í Frakklandi í tvo mánuði og þrátt fyrir að það sé stuttur tími hefur margt áunnist. M.a. tók ég upp þráðinn þar sem frá var horfið í vinnu að bók um Helga Hallgrímsson náttúrufræðing; sögu hans og sýnisbók, og er verkið það langt komið að óhætt virðist að ákvarða að…
Vel miðar við sögu/sýnisbók Helga Hallgrímssonar náttúrufræðings og vonir bundnar við að hún komi út vorið 2027. Skrudda gefur út. Ritstjóri er Steinunn Ásmundsdóttir.
Ég opna hjarta mitt, þetta innmúraða búr ljóða minna og sendi þau eins og fugla út meðal fólksins – veit að sum þeirra eiga í vök að verjast eins og snjótittlingarnir í hvítu kófi janúarbyljanna. Önnur skipta sér niður á bæina eins og hrafninn.
ORÐLIST 