info – ORÐLIST

Hafa samband

steinunnasm<hjá>gmail.com
gsm +354 777 2656

Um höfundinn

Steinunn Ásmundsdóttir, rithöfundur, ljóðskáld og blaðamaður, fæddist árið 1966 í Reykjavík. Heimshornaflakk, ritstörf, blaðamennska, starf að náttúruvernd og landvarsla voru helstu viðfangsefni hennar fram undir þrítugsaldurinn. Á árabilinu 1989 til 1996 sendi hún frá sér þrjár ljóðabækur.
Árið 1996 kom Steinunn heim eftir búsetu í Þýskalandi og flutti til Egilsstaða, þar sem hún bjó í ríflega tvo áratugi, stofnaði fjölskyldu og starfaði lengst af sem blaðamaður og ljósmyndari Morgunblaðsins og síðar sem ritstjóri héraðsfréttablaðsins Austurgluggans og fréttavefs Austurfréttar. Hún lagði svo blaðamennsku á hilluna að sinni og einbeitti sér þess í stað að eigin skapandi skrifum á ný.
Árið 2016 opnaði hún hugverkavef sinn YRKIR.is (nú ORÐLIST.is) þar sem bróðurpartur eldri verka hennar er birtur. Síðan hafa komið út fjórar ljóðabækur, 2017, 2018 2019 og 2023, sannsaga (e. creative nonfiction) 2018 og skáldsaga 2022.
Steinunn settist að nýju að í Reykjavík árið 2019. Hún er móðir tveggja ungmenna, starfar sem blaðamaður og hefur verið félagi í Rithöfundasambandi Íslands frá 1992.

Ljósmyndir: Valgarður Gíslason

Útgefið efni

Fuglamjólk
ljóð, útg. Dimma 12.10.2023.
Prentuð bók.

Ástarsaga
skáldsaga, YRKIR/ORÐLIST hugverkaútgáfa, 11.10. 2022.
Prentuð bók, hljóðbók í upplestri höfundar, rafbók.

Í senn dropi og haf
ljóð, útg. Dimma 11.10. 2019.
Prentuð bók.

Manneskjusaga
sannsaga, útg. Bókaútgáfan Björt, 19.10. 2018.
Prentuð bók, harðspjalda og sem kilja 15.01.2019. Hljóðbók og rafbók.

Áratök tímans
ljóð, útg. Félag ljóðaunnenda á Austurlandi, 05.05. 2018.
Prentuð harðspjaldabók.

Hin blíða angist
ljóð frá Mexíkó, útg. YRKIR/ORÐLIST hugverkaútgáfa, 01.11. 2017.
Fjölrit.

ORÐLIST.is – hugverkavefur og hugverkaútgáfa, stofnað 22.09. 2016. (áður yrkir.is, 2016-2024).
Ný ljóð, eldri prentuð ljóð, óprentuð eldri ljóð, ljóðaþýðingar,
sögur, greinaskrif um aðskiljanleg efni og ljósmyndasafn.

Hús á heiðinni
ljóð frá Þingvöllum, útg. Andblær, 1996.
Prentuð bók.

Dísyrði
ljóð, útg. Goðorð, 1992.
Prentuð bók.

Einleikur á regnboga
ljóð, útg. Almenna bókafélagið, 1989.
Prentuð bók.

Ljóð, sögur og greinar í safnritum, tímaritum og blöðum og þættir/innslög á ljósvaka.

Kynningarmyndband um formlega opnun vefsins á Brúaröræfum 2016